د مسلکي پرمختیا مرکز ( پي ډي سي) آمر

د دندې لنډیز

د مسلکي پرمختیا مرکز (پي ډي سي) مسؤل د پوهنتون د علمي معاونیت د رهبرۍ او مدیریت لاندې د پوهنتون د علمي او اداري کارمندانو، استادانو او محصلینو د ظرفیت لوړونې او مسلکي پرمختیا په موخه، وخت په وخت د علمي اړتیا ارزونې سروېګانې ترسره کوي. د ترسره شویو سروې ګانو د تحلیل او پایلو پر بنسټ د یادې موخې د تر لاسه کولو لپاره عملیاتي پلانونه ترتیب او تطبیقوي. همدارنګه عملیاتي پلان ته په کتو د ټولو ډيپارټمنټونو اړتیا ارزونې، د پایلو پر اساس اړینې روزنیزې برنامې لکه سمینارونه او ورکشاپونه ترتیب او تنظیموي


د مسلکي پرمختیا مرکز مسؤل د خپلو اړونده ترسره کړیو کارونو ربعوار راپورونه به علمي معاونیت ته رسماً وړاندې کوي

د مسلکي پرمختیا مرکزآمر د دندو لایحه

د استادانو، محصلينو او اداري کار کوونکو د ظرفيتونو لوړونې لپاره اړتيا ارزونې تر سره کول

د استادانو، محصلينو او اداري کار کوونکو د ظرفيتونو لوړونې لپاره لنډمهاله، منځمهاله او اوږد مهاله برنامې برابرول

د ظرفیت لوړونې برنامو لپاره د مختلفو او ځانګړیو فورمو طرحه کول

د کرېډټ لايحې مطابق د هغه ضعيفه محصلينو لپاره چې چانسي ازموينو کې ناکام شوي وي، لنډ مهاله کورسونه يا د کورنۍ دندو د ترسراوي او کتنې پروسيجر تطبيقول

د پوهنځیو علمي کادري غړیو او محصلینو ته د څېړنو په برخه کې ورکشاپونه او نور اړین ټرېننګونه دایرول

په پوهنتون کې د دوامداره کیفیت ساتلو په برخه کې د کیفیت لوړونې آمریت سره په ټولو اموراتو کې برخه اخېستل( لک منظمې جلسې، بیا کتنې ...)

د پوهنتون علمي کادرونو او زده کړیالانو تخنیکي برنامو لپاره په خپل وخت د تخنیکي مرستو او اسانتیاوو برابرول

په ملي، سیمه یزه او نړېواله کچه له معتبرو پوهنتونونو سره د علمي کادري غړیو د ظرفیت لوړونې په موخه د اړیکو جوړول او پیوستون رامنځته کول


په پوهنتون کې د نویو او عصري درسي مېتودونو (او بي اېل، ایس سي اېل) د رایج کولو په برخه کې استادانو ته سمینارونه، ورکشاپونه، علمي سفرونه او د نورو اړینو چارو تر سره کول

په پوهنتون کې د الکترونيکي زده کړو د ترويج او اغېزناک تطبیق لپاره زمینه برابرول

د تضمين کيفيت او بشري سرچينو آمريتونو په ملتيا د نظارت او ارزونو په برخو کې کړنلارې جوړول

د رونيزو برنامو په جریان کې د ګډونولو همغږي کول، دوی ته پروګرام جوړول، او څارنه یې تر سره کول

د ازموینو د کیفیت لوړونې په موخه د ازموینو د پایلو تحلیلي راپورونه ترتیبول او د کمزوري شاخص اړوند محصلانو سره د هغوې د حالت معلومولو په موخه د مشوره ورکونې او کار موندنې مديريت سره په ګډه مصاحبې تر سره کول

د مسلکي مهارتونو د پیاوړتیا په منظور په دایر شویو برنامو باندي دوامداره څارنه او نظارت

په پوهنتون کې د غوره استعدادونو پېژندل، جذب او ورته د کاري زمینې په برابرولو کې مرسته کول.

د مسلکي زده کړو په برخه کې روښانه لارښوونه، اصول او قواعد رامنځ ته کول

په پوهنتون کې د برېښنایې زده ترويج او تقويت لپاره په دوامدار ډول کار کول

د علمي څېړنې پياوړتيا په موخه د څېړنې امريت سره په همغږۍ استادانو او محصلينو ته رزونيزې برنامې دايرول


د طرزالعمل او مقرراتو په اساس د کمېټو او شوراګانو په مجالسو کې ګډون کول

د پوهنتون د زده کړییزو مسایلو په برخه کې اړونده ادارو ته مشورې ورکول

د پوهنتون د دوامداره زده کړییزو پروګرامونو د طرحو ارزولو په برخه کې مشورې ورکول

د کیفیت لوړونې برنامو لپاره د مختلفو او ځانګړیو فورمونو طرحه کول

د پوهنتون لپاره د کلنۍ بودجې په جوړولو کې برخه اخېستل ترڅو د سرچېنو په تنظیم او تخصیص کې مؤثریت رامنځ ته شي

د مالي سرچېنو د جلبولو له پاره مختلف فرصتونه برابرول

د بهرنيو ملاتړو ادارو څخه د ترلاسه شويو پروژو په تطبيق کې د جلا کتبي موافقې پر اساس اړوند کارونه تر سره کول

د کیفیت لوړوونې او اعتبار ورکوونې آمریت د اړتیاو پر اساس د تدریس د ستراتیژۍ پراختیا او تطبیق

د پوهنتون په استازيتوب د تدریس د پراختیا پلان جوړول او د هغه د لومړیتوبونو په هکله ځان باوري کول

په تدریس کې د علمي کادرونو د لاسته راوړنو څخه ځان خبرول او په یاده برخه کې د مکافاتو سیستم رامنځه ته کول


د پوهنتون د کمېټو او نورو برخو سره دوامداره همکاري او هغوی ته لازمي مشوري ورکول

په مياشتيني او ربعوار ډول علمي معاونيت ته راپور ورکول

د اړتیا پر مهال د علمي معاونیت له خوا د نورو سپارل شویو دندو په ښه شکل سره ترسره کول

وړتیاوې

د بشري سرچینو (اېچ ار ایم) یا هم اداره او مدیریت په برخه کې د ماستري سند درلودل

خارج مرز فارغ اسناد باید د لوړو زده کړو وزارت څخه تائید او د انسجام او اکا‌ډمیک امورو ریاست مکتوب هم ولري

په اداري برخه کې لږترلږه درې کاله کاري تجربه درلودل

د کمپیوټر د (ایم اس افس) او انټرنټ کارولو پوره تسلط درلودل

په پښتو او دری ژبو پوهېدل او په انګلېسې ژبه هم بشپړ تسلط لرل


کاري ژمنيتا درلودل او په دنده کې حاضري او وخت په جدي توګه مراعتول

په انفرادي توګه او په ټيم کې د کار کولو وړتيا درلودل

د نورو کاري همکارانو سره د اغيزناکو کاري اړيکو ساتلو توان درلودل

د ښې مفاهمې ځانګړنې درلودل

د مدیریت ځانګړنې درلودل

په شرايطو برابر کاندیدان کولی شي خپله سي وي یا خلص سوانح د غوښتنلیک او اړوندو اسنادو سره یو ځای د روان 2025 میلادي کال د سیپتمبر میاشتې تر 25 نېټې پورې د لاندې برېښنالیک له لاري د الفلاح پوهنتون بشري سرچينو آمريت ته واستوي

career@alfalah.edu.af

نوټ: لطفاً د خپل برېښنالیک په عنوان سبجیکټ لاین کې ددندي عنوان ددندې شمیره یاهم ویکنسي نمبر په ښکاره ډول ذکر کړی